පුංචි ඡන්දයත් මාලිමාවටම දෙන්නලු
- 5opn1
- December 1, 2024
- දේශපාලන
- පුංචි ඡන්දයත් මාලිමාවටම දෙන්නලු
- 0 Comments
ජනාධිපතිවරණයේදී ජනතාව පැහැදිලි ජනවරමක් ලබාදී ඇති නිසා ඉදිරි පළාත් පාලන මැතිවරණයේ ද ජාතික ජන බලවේගයට වැඩි බලයක් හිමි විය යුතුය යන ස්ථාවරයේ ශ්‍රී ලංකා පොදු ජන පෙරමුණ පසුවන්නේ යැයි එම පක්ෂයේ මහ ලේකම් නීතිඥ සාගර කාරියවසම් මහතා ‘දිවයින ඉරිදා සංග්‍රහය’ට පැවසීය.
බහුතර මතයට හිස නැවීම ප්‍රජාතන්ත්‍රවාදය බවත් ජනතාව ජාතික ජන බලවේගය කෙරෙහි විශ්වාසය තබා ඇති නිසා ඔවුන්ට වැඩ කරගෙන යෑමට ඉඩ දිය යුතු බවත් හෙතෙම සඳහන් කළේය.
නමුත් ජනතා විමුක්ති පෙරමුණ ප්‍රමුඛ ජාතික ජන බලවේගයේ මතය පිළිනොගන්නා ජනතාව වෙනුවෙන් ශ්‍රී ලංකා පොදු ජන පෙරමුණ ඉදිරි පළාත් පාලන මැතිවරණ කටයුතු සංවිධානය කරන බවද හෙතෙම සඳහන් කළේය. පසුගිය ජනාධිපතිවරණයේදී ජාතික ජන බලවේගයට විරුද්ධව ඡන්දය පාවිච්චි කළ පිරිස සහ ඡන්ද පොළට නොගිය පිරිස එකතු කළ විට බහුතරය ඇත්තේ එතැන බව කවුරුත් මතක තබා ගත යුතු යැයිද සාගර කාරියවසම් මහතා වැඩිදුරටත් කීවේය.
අනුරාධ හිරිපිටියගේ
