“ව්‍යවසායකයින් 1000 ක් සංවර්ධනය කිරීමේ ජාතික වැඩසටහනක්”
- Sujeewa Senerath
- August 12, 2025
- ආයෝජන, ව්‍යාපාරික පුවත්
- business post, Entrepreneurs in sri lanka
- 0 Comments
ශ්‍රී ලංකාවේ කුඩා හා මධ්‍ය පරිමාණ ව්‍යවසායකයින් (SMEs) 1000 ක් සවිබල ගන්වමින් ව්‍යවසායකයින්ගේ දැනුම, කුසලතා, ඵලදායිතාව සහ අපනයන හැකියාව වර්ධනය කිරීමේ අරමුණ ඇතිව නවෝත්පාදනමය ව්‍යාපෘතියක් ක්‍රියාත්මක කිරීමට නියමිතයි.
මෙම වැඩසටහන කර්මාන්ත සහ ව්‍යවසායකත්ව සංවර්ධන අමාත්‍යාංශය සහ ජාතික ඵලදායිතා ලේකම් කාර්යාලය ඒකාබද්ධව ක්‍රියාත්මක කරනු ලබයි.
මෙය පළමුව ගම්පහ දිස්ත්‍රික්කයේ නියමු ව්‍යාපෘතියක් ලෙස ක්‍රියාත්මක කරනු ලැබූ අතර එම නියමු ව්‍යාපෘතිය තුළදී ව්‍යාපාරිකයින් 100 දෙනෙකු සංවර්ධනය කරනු ලැබීය. එම අදියරයේ විශිෂ්ට සාර්ථකත්වය මත, මෙම වැඩසටහන දිවයින පුරා ව්‍යාප්ත කිරීමට තීරණය කරන ලදී.
ඒ අනුව, වැඩසටහනේ පළමු අදියර 2025 දී දිස්ත්‍රික්ක 17ක ආරම්භ කිරීමට නියමිත අතර ඉතිරි දිස්ත්‍රික්ක 8 හි මෙම වැඩසටහන 2026 මැද භාගයේදී ආරම්භ කිරීමට නියමිතය. මෙම වැඩසටහන හරහා ව්‍යාපාරිකයින්ට ඔවුන්ගේ ව්‍යාපාර තිරසරව වර්ධනය කර ගැනීම සඳහා උපදේශන සහය, පුහුණු කිරීම සහ අවශ්‍ය‍ය සම්පත්දායකත්වය ලබාදීම අපේක්ෂා කරයි.
එමගින් ශ්‍රී ලංකාවේ ආර්ථික වර්ධනය සහ සංවර්ධනය, රැකියා උත්පාදනය සහ අපනයන ආදායම වැඩි කිරීම සඳහා විශාල දායකත්වයක් ලබාදෙනු ඇත.
මේ පිළිබඳව වැඩි විස්තර ජංගම දුරකතන අංක 077 66 13 0 42 මගින් ශ්‍යාමා ප්‍රනාන්දු මහත්මිය ඇමතීමෙන් ගත හැක.
2025 අගෝස්තු 20 වන දින හෝ එදිනට පෙර පහත සබැඳිය හරහා මෙම ව්‍යාපෘතිය සඳහා ලියාපදිංචි විය හැක.
https://docs.google.com/forms/d/e/1FAIpQLScb6cq-M7pxdy1_-7e3biqJhMwDGw3563BVYer7wqrMZbPLBQ/viewform?usp=header
