සේරුනුවර බස් අනතුරකින් 14 ක් රෝහලේ
- 5opn1
- January 20, 2025
- පුවත්
- සේරුනුවර බස් අනතුරකින් 14 ක් රෝහලේ
- 0 Comments
සේරුනුවර පොලිස් වසමේ සේරුනුවර කන්තලේ මාර්ගයේ සේරුනුවර කල්ලාර් යුද හමුදා කඳවුර ඉදිරිපිට වංගුව අසලදී අද (20) අලුයම මඟී ප්‍රවාහන බස් රථයක් අනතුරට ලක්වී තිබෙයි.
පොලීසිය සඳහන් කළේ පවතින අධික වර්ෂාව හේතුවෙන් බස් රථය මාර්ගයෙන් ඉවතට පැන මාර්ගය අයිනේ තිබූ ගසක ගැටී මාර්ගයෙන් ඉවතට පෙරළී අනතුර සිදුව ඇති බවයි.
කාත්තන්කුඩිය දෙස සිට කොළඹ දෙසට ධාවනය වූ මගී ප්‍රවාහන බස් රථයක් මෙලෙස අනතුරට පත්ව ඇති බව වාර්තා වෙයි.
බස් රථයේ මඟීන් 49ක් පමණ ගමන් කර ඇති අතර අනතුරින් බස් රථයේ රියදුරු සහ රිය සහයක සමඟින් මඟීන් 14දෙනෙක් ප්‍රතිකාර සඳහා සේරුනුවර රෝහලට ඇතුළත් කර තිබෙයි.
අනතුරුව රියදුරු සහ මඟීන් 09දෙනෙක් වැඩිදුර ප්‍රතිකාර සඳහා ත්‍රිකුණාමලය රෝහල වෙත මාරුකර යවා ඇති බවයි වාර්තා වෙයි.
DMN
