සේවකයන් උතුරන තැන්වලටත් වරායෙන් කෝටි 292ක අතිකාල
- 5opn1
- January 19, 2025
- දේශපාලන
- සේවකයන් උතුරන තැන්වලටත් වරායෙන් කෝටි 292ක අතිකාල
- 0 Comments
ශ්‍රී ලංකා වරාය අධිකාරිය විසින් සේවක අතිරික්තයක් පැවැති අංශවල සේවකයන් සඳහා 2023 වර්ෂයේ දී අතිකාල දීමනා වශයෙන් රුපියල් දෙසීය අනූ දෙකෝටි, හය ලක්ෂ හැත්තෑනම දහස් දෙසිය අසූ අටක මුදලක් (2,920,679,288) ගෙවා ඇති බැව් ජාතික විගණන කාර්යාලය මගින් නිකුත් කර ඇති විගණන වාර්තාවක සඳහන් වෙයි.
ශ්‍රී ලංකා වරාය අධිකාරිය විසින් 2023 වර්ෂයේ දී අධිකාරියේ සේවකයන් සඳහා ගෙවා ඇති සමස්ත අතිකාල දීමනාව රුපියල් හයසිය තිස්එක් කෝටි, අනූනම ලක්ෂ හතළිස් හය දහස් හයසිය අසූ එකකි.
වරාය අධිකාරියේ මෙහෙයුම් කටයුතු සඳහා සෘජුවම සම්බන්ධතාවයක් නොදක්වන අංශ හතක සේවකයන් 187 දෙනකුගේ අතිරික්තයක් පැවැති බව ද විගණන වාර්තාවේ සඳහන් වෙයි. ශ්‍රී ලංකා වරාය අධිකාරියේ කොට්ඨාස 35 මගින් ඉදිරිපත් කරනු ලැබූ කාර්යමණ්ඩල තොරතුරු අනුව තනතුරු 187කට අදාළව අනුමත කාර්යමණ්ඩලය ඉක්මවා සේවකයන් 997 දෙනකු සේවයේ යොදවා තිබුණි.
ලලිත් චාමින්ද
