
ගාසා තීරයේ රාමසාන් උත්සවය ලෙයින් තෙත් වෙයි
- CNL Reporter
- April 1, 2025
- පුවත්
- ගාසා තීරය, රාමසාන්
- 0 Comments
පැය 48කදී පලස්තීනුවෝ 80ක් මරු දකිති
ගාසා තීරයේ පලස්තීනුවන් රාමසාන් උපවාසය අවසන් කරමින් ඊදුල් ෆිතර් උත්සවය සමරද්දී ඊශ්රායල හමුදාවෙන් ගුවන් ප්රහාරමාලාවක් එල්ල වී ඇතැයි ද, දකුණු ගාසා තීරයේ ඛාන් යූනිස් සහ රෆා නගරවල පුද්ගලයන් 35 දෙනකු ජීවිතක්ෂයට පත්වී ඇතැයි ද අල් ජසීරා පුවත් සේවය වාර්තා කළේය. රාමසාන් උත්සවය ලෙයිත් තෙත්කළ ඊශ්රායල ගුවන් ප්රහාරවලින් පැය 48ක් ඇතුළත පුද්ගලයන් 80ක් මිය ගිය බවත්, තවත් පුද්ගලයන් 305 දෙනකු තුවාල ලැබූ බවත් ගාසා තීරයේ සෞඛ්ය අමාත්යාංශය නිවේදනය කර ඇතැයි ද අල් ජසීරා පුවත් සේවය වැඩිදුරටත් වාර්තා කළේය.
හමාස් සංවිධානය නිරායුධ කරන ලෙසත්, එහි නායකයන් වහාම ගාසා තීරයෙන් පිටව යන ලෙසත් ඊශ්රායල අගමැති බෙන්ජමින් නෙතන්යාහු පෙරේදා යළි අනතුරු අඟවා ඇතැයි ද, මේ වන විට ඉතිරිව සිටින ඊශ්රායල ප්රාණඇපකරුවන් 59 දෙනා නිදහස් කිරීමට බලපෑම් එල්ල කර ඇතැයි ද අල් ජසීරා පුවත් සේවය සඳහන් කරයි.