ඥානසාර හිමි හෙළි කරන පාස්කු දින ප්‍රහාරය පිළිබඳ නවතම තොරතුරු
- CNL Reporter
- March 21, 2025
- දේශපාලන
- ඥානසාර හිමි හෙළි කරන පාස්කු දින ප්‍රහාරය පිළිබඳ නවතම තොරතුරු
- 0 Comments
2019 අප්‍රේල් 21 දින කොළඹ හා මඩකළපුවේ දී සිදුවූ පාස්කු දින ප්‍රහාරයට අවශ්‍ය පුපුරන ද්‍රව්‍ය සැපයීම කළේ සිය සංවිධානයේ ප්‍රධාන විධායක
නිලධාරියා වූ කථිකාචාර්ය දිලන්ත විතානගේ බවට රහස්‍ය පණිවුඩයක් එම ප්‍රහාරයට දින කිහිපයකින් පසු විදේශ රටකින් ශ්‍රී ලංකා රජයට ලැබුණු බවට එවකට වැලිකඩ බන්ධනාගාරයේ සිරගතව සිටි තමාට දැනගන්නට ලැබුණු බව බොදු බල සේනා සංවිධානයේ මහ ලේකම් පුජ්‍ය ගලගොඩඅත්තේ ඥානසාර හිමි පැවසී ය.
ඥානසාර හිමි මේ තොරතුරු හෙළිදරව් කළේ ඊයේ (20) පැවති මාධ්‍ය සාකච්ජාවක දී ය.
තමාට මතක ආකාරයට ඒ සම්බන්ධයෙන් තමා දැනුවත් කළේ ආරක්ෂක අංශවලට සම්බන්ධ අයෙක් බව තම විශ්වාසය බව පැවසූ උන්වහන්සේ, එම පුවත නිසා තමා විමතියට පත් වූ බව ද ප්‍රකාශ කළහ.
එම රහස්‍ය පණිවුඩය අපේ රජයට ලබා දී ඇත්තේ ඇමරිකානු මධ්‍යම රහස් ඔත්තු සේවය (CIA) බව පසුව අනාවරණය වූ බව ප්‍රකාශ කළ උන්වහන්සේ මේ පාස්කු දින ප්‍රාහරයේ මහ මොළකරු සෙවීම වත්මන් රජය පොරොන්දු වූ පරිදි ඉක්මනින් සිදු කළ යුතු බව ද ප්‍රකාශ කළහ.
මේ CIA රහස් පණිවුඩය හා USAID අතර යම් සම්බන්ධයක් තිබිය හැකි යැයි ද උන්වහන්සේ තවදුරටත් ප්‍රකාශ කර සිටියේය
theleader
