පළමු වරට අයිස්ලන්තයෙන් සංචාරකයෝ
- 5opn1
- November 6, 2024
- සංචාරක සහ චාරිකා
- පළමු වරට අයිස්ලන්තයෙන් සංචාරකයෝ
- 0 Comments
ශ්‍රී ලංකා ඉතිහාසයේ පළමු වතාවට අයිස්ලන්තයෙන් සංචාරකයන් කණ්ඩායමක් ලෙස ශ්‍රී ලංකාවේ සංචාරයට ඊයේ (05) උදෑසන කටුනායක ගුවන්තොටුපොළ වෙත පැමිණ තිබිණි.
මෙම සංචාරකයන් පිරිස 24 දෙනකුගෙන් සමන්විත අතර දින 14ක් ශ්‍රී ලංකාවේ සංචාරයෙහි නිරත වීමට නියමිතය. මෙම පිරිස පැය 24ක දීර්ඝ ගුවන් ගමනකින් පසුව ඊයේ (05) උදෑසන 08.33ට ඩුබායි සිට එමිරේට්ස් ගුවන් සේවයේ ඊ.කේ.- 650 දරන ගුවන්යානයෙන් කටුනායක ගුවන්තොටුපොළ වෙත පැමිණ තිබිණි. මෙම අයිස්ලන්ත සංචාරකයන් පිරිස කොළඹ, හබරණ, මහනුවර, සීගිරිය, දඹුල්ල, බෙන්තොට, ඇල්ල සහ යාල යන ප්‍රදේශවල සංචාරයෙහි නියැළීමට සැලසුම් කර තිබේ. මෙම පිරිස හෙළ චාරිත්‍රානුකූලව උණුසුම් ලෙස ගුවන්තොටුපොළේදී පිළිගනු ලැබීය.
කටුනායක – ටී.කේ.ජී. කපිල
