වැඩි ඡන්ද 114යි අය-වැය සම්මතයි
- CNL Reporter
- March 23, 2025
- දේශපාලන
- වැඩි ඡන්ද 114යි අය-වැය සම්මතයි
- 0 Comments
මගේ මන්ත්‍රී වැටුප එපා ඇමැතිවරු ගන්නෙත් මන්ත්‍රී වැටුප විතරයි
මාධ්‍ය ජිමික්වලින් අපේ ගමන වළක්වන්න බෑ – ජනපති කියයි
‘මාධ්‍ය’ මත දේශපාලනය තීන්දු කරන යුගය අපි සහමුලින්ම අවසන් කළ බවත් මින් ඉදිරියට ‘මාධ්‍ය ජිමික්’ දමා සිය ගමන වළකාලිය නොහැකි බවත් ජනාධිපති අනුර කුමාර දිසානායක මහතා පැවසීය.
මාධ්‍ය හරහා කෙනෙකුට ස්වයං සතුටක් ලබාගත හැකි බවත් නයි පෙන්නා බලය ගත් යුගය දැන් අවසන් බවත් ඔහු කීය.
මන්ත්‍රී විශ්‍රාම වැටුපත් අයින් කර ජනාධිපති වරප්‍රසාද පනත් සංශෝධනය කරන බවද ජනාධිපතිවරයා කීවේය. තමන් මන්ත්‍රී විශ්‍රාම වැටුප ඉවත් කිරීමට පාර්ලිමේන්තුවට ලිපියක් ලබාදුන් බවද ඔහු පැවසීය.
ජනාධිපතිවරයා මේ බව කීවේ පෙරේදා (21) පාර්ලිමේන්තුවේදී අයවැය විවාදයට එක්වෙමින් අදහස් දක්වමිණි.
මේ අනුව පාර්ලිමේන්තු මන්ත්‍රීවරුන්ගේ විශ්‍රාම වැටුප ඉවත් කිරිම සඳහා ඉදිරියේදී පාර්ලිමේන්තුවට පනතක් ගෙන යන බවද ජනාධිපතිවරයා කීවේය.
මම ජනාධිපති වුණාම ජනාධිපති වැටුපට අමතරව මන්ත්‍රීවරයාගේ විශ්‍රාම වැටුපත් හම්බවෙනවා. මම අද (21) ලියුමක් දුන්නා මන්ත්‍රී විශ්‍රාම වැටුප මට එපා කියලා. මම දැනන් හිටියේ නෑ මෙහෙම හම්බවෙනවා කියලා. පසුව තමයි දැන ගත්තේ. ඒ වගේම මන්ත්‍රීවරයා ඇමැති වෙනකොට මන්ත්‍රී වැටුපත් හම්බ වෙනවා. ඇමැති වැටුපත් හම්බවෙනවා. අපි තීරණයක් ගත්තා. ඇමැතිවරු, නියෝජ්‍ය ඇමැතිවරු ගන්නේ මන්ත්‍රී වැටුප විතරයි කියලා හැබැයි මන්ත්‍රී වැටුපට ඇමැතිවරුන්ට තෙල් දීමනාවක් දෙනවා. අපි දෙන්නේ මන්ත්‍රී වැටුපෙන් තෙල් දීමනාව අයින් කරලා. ඒ වගේම මන්ත්‍රීවරුන්ගේ විශ්‍රාම වැටුපත් අයින් කරනවා. ජනාධිපති වරප්‍රසාද පනතින් සංශෝධනය කරනවා.
ඉන්පසු එළැඹී අයවැය ඡන්ද විමසීමේදී,
අයවැය සංශෝධනය සහිතව වැඩි ඡන්ද 114කින් සම්මත විය.
අයවැයට පක්ෂව ඡන්ද 159ක්ද, අයවැයට විපක්ෂව ඡන්ද 45ක්ද ලැබුණු අතර ඡන්දය දීමෙන් කිසිදු මන්ත්‍රිවරයකු වැළකි සිටියේ නැත.
ජනාධිපති අනුර කුමාර දිසානායක මහතා ඊයේ අයවැය පිළිතුරු කතාව පාර්ලිමේන්තුවේදී සිදුකළේය.
ඊයේ මුදල් ක්‍රම සම්පාදන සහ ආර්ථික සංවර්ධන අමාත්‍යාංශයේ වැය ශීර්ෂ විවාදය අද පැවැත්විණි.
මේ වසර සඳහා වන ව්‍යවස්ථා පනත් කෙටුම්පත දෙවැනිවර කියැවීම ජනාධිපතිවරයා මුදල් ඇමැතිවරයා ලෙස පෙබරවාරි 17 වැනිදා පාර්ලිමේන්තුවේදී සිදුකළේය.
දින 7ක කාලයක් එම විසර්ජන පනත් කෙටුම්පත දෙවැනි වර කියැවීමේ විවාදය පැවැති අතර, දෙවැනි වර කියවීමේ ඡන්ද විමසීම ඉකුත් 25 වැනිදා පැවැත්විණි.
එහිදී අයවැය දෙවැනිවර කියවීම වැඩි ඡන්ද 109කින් සම්මත වූ අතර, අයවැයට පක්ෂව ඡන්ද 155ක්ද, විපක්ෂව ඡන්ද 4ක්ද ලැබී තිබිණි.
අකිත පෙරේරා, රනිල් ධර්මසේන, ශ්‍යාම් නුවන් ගනේවත්ත
