වැඩි මිලට හාල් විකිණූ කඩ 50කට නඩු
- 5opn1
- December 12, 2024
- ව්‍යාපාරික පුවත්
- වැඩි මිලට හාල් විකිණූ කඩ 50කට නඩු
- 0 Comments
පාලන මිල ඉක්මවා සහල් අලෙවි කළ වෙළෙඳසල් 50කට එරෙහිව පාරිභෝගික කටයුතු පිළිබඳ අධිකාරිය මඟින් නඩු පවරා ඇත.
පාලන මිල ඉක්මවා සහල් අලෙවි කරන හා තොග සඟවා ගන්නා පුද්ගලයන් අත්අඩංගුවට ගැනීමේ මෙහෙයුම් තවත් පුළුල් කරන බවත් එහිදී අනාවරණය වන වැරදි සම්බන්ධයෙන් කඩිනමින් නෛතික ක්‍රියාමාර්ග ගන්නා බවත් අධිකාරියේ පාරිභෝගික කටයුතු හා තොරතුරු අධ්‍යක්ෂ අසේල බණ්ඩාර මහතා පැවසීය.
කිසිසේත් වැඩි මිලට සහල් අලෙවි කිරීමෙන් වළකින ලෙස සියලු වෙළෙඳුන්ට දැනුම් දුන් ඒ මහතා උත්සව සමය මුල් කර ගනිමින් වැටලීම් වැඩි කිරීමට කටයුතු කර ඇතැයි ද කීවේය.
එවැනි වැරදි සඳහා සාමාන්‍ය ව්‍යාපාරයකදී රුපියල් ලක්ෂයක දඩයක් නියම කිරීමට හැකි බවත් කී ඒ මහතා පාලන මිල ප්‍රදර්ශනය කිරීම අනිවාර්ය බව ද කියා සිටියේය. නිෂ්පාදිත දිනය ප්‍රදර්ශනය කළ යුතු වන බවත් මිල ඉක්මවා අලෙවි කිරීම තහනම් බවත් කී ඒ මහතා සිදු කරන වැටලීම් අඛණ්ඩව ශක්තිමත් ලෙස සිදු කරන ලෙස අධිකාරියේ සභාපති හේමන්ත සමරකෝන් මහතා උපදෙස් දී ඇති බවත් වැඩිදුරටත් පැවසීය.
DMN
