ජනතාව කබලෙන් ලිපට ඇද දැමූ නව ලිබරල් වැඩපිළිවෙළ ම යළි ඉදිරියට ගමන් කරනවා – දුමින්ද නාගමුව.
- CNL Reporter
- March 22, 2025
- දේශපාලන
- ජනතාව කබලෙන් ලිපට ඇද දැමූ නව ලිබරල් වැඩපිළිවෙළ ම යළි ඉදිරියට ගමන් කරනවා - දුමින්ද නාගමුව.
- 0 Comments
1977 සිට ක්‍රියාත්මක වූ, ජනතාව කබලෙන් ලිපට ඇද දැමූ නව ලිබරල් වැඩපිළිවෙළ ම නැවත වටයකින් ඉදිරියට ගමන් කරන බව
ජන අරගල සන්ධානයේ ජාතික විධායක සභික, පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව පැවසී ය.
ඔහු මෙම අදහස් පළ කළේ මෙවර පළාත් පාලන මැතිවරණයේ ප්‍රචාරක කටයුතු ආරම්භ කරමින් ජන අරගල සන්ධානය අද (21) කොළඹ ලයන්ස් ක්ලබ් හිදී පැවැත්වූ විශේෂ මාධ්‍ය හමුවේ දී ය.
එම මාධ්‍ය හමුවේ දී වැඩි දුරටත් අදහස් දැක්වූ දුමින්ද නාගමුව…
ජාත්‍යන්තර මූල්‍ය අරමුදලේ වට්ටෝරුව
‘‘අපි මෙවර පළාත් පාලන මැතිවරණයේ දී දිස්ත්‍රික් 23ක පළාත් පාලන ආයතන 152කට තරග වැදීම සඳහා නාමයෝජනා බාර දුන්නා. පසුගිය ජනාධිපතිවරණයේ දී සහ මහමැතිවරණයේ දී අපි ජන අරගල සන්ධානය විදිහට අපි ජනතාවගේ අවධානය යොමු කළ ප්‍රතිපත්තියමය දේශපාලන කාරණා කිහිපයක් තියනවා. එකක් තමයි පසුගිය 2022 ආර්ථික අර්බුදයෙන් පස්සේ ජාත්‍යන්තර මූල්‍ය අරමුදල විසින් ලංකාව ණය උගුලක සහ ආර්ථික උගුලක හිර කරමින් ඉන්නවා කියන එක.
අනිත් කාරණය තමයි ඉන්දියාව බරපතළ විදිහට ලංකාවේ ස්වාධීනත්වයට අතපෙවීම් කරමින් ඉන්නවා කියන කාරණය. අපි එදා ජනතාවට කිව්වේ මෙන්න මේ න්‍යායපත්‍රයන් පරාජය කිරීම සඳහා ඡන්දය පාවිච්චි කරන්න කියලා. ඒ වගේම තමයි ඒ භාවිතා කරන ඡන්දය වාමාංශික දේශපාලන වැඩපිළිවෙළක් දිනවීම සඳහා භාවිතා කරන්න කියලා අපි ජනතාවගෙන් ඉල්ලුවා. අපි දන්නවා ඒ මැතිවරණයෙන් ජයග්‍රහණය කළ ජාතික ජන බලවේග ආණ්ඩුව කිව්වේ වංචා දූෂණවලට එරෙහිව සහා දේශපාලණ සංස්කෘතිය වෙනස් කිරීම සඳහා ඔවුන්ට බලය ලබාදෙන්න කියලා.
අද වෙද්දි ඒ ආණ්ඩුව රට පාලනය කරන්න අරගෙන මාස කිහිපයක් ගත වෙලා. දැන් ජනතාවට යම් කිසි දළ චිත්‍රයක් සකස් කරගන්න පුළුවන් වෙලා තියනවා ආණ්ඩුවේ හැකියාවන් සහ නොහැකියාවන් ගැන. අද තමයි මේ ආණ්ඩුවේ මංගල අයවැය තුන්වෙනි වර සම්මත කිරීම සිදු වෙන්නේ. මේ අයවැය දිහා බැලුවම ආණ්ඩුවේ ඉදිරි ආර්ථික වැඩපිළිවෙළ මොකක් ද කියන එක පැහැදිලියි. ජාත්‍යන්තර මූල්‍ය අරමුදලේ වට්ටෝරුවම තමයි මේ ආණ්ඩුව ක්‍රියාත්මක කරමින් ඉන්නේ. ඒ රනිල් වික්‍රමසිංහ නවත්තපු තැන ඉඳලා ඔහුගේ වැඩපිළිවෙළම නැවත ක්‍රියාත්මක කිරීමක්.
1977 ඉඳලා ක්‍රියාත්මක වෙන ජනතාව කබලෙන් ලිපට ඇදලා දාපු නව ලිබරල් වැඩපිළිවෙළ ම නැවත වටයකින් ඉස්සරහට යනවා. මුහුණු ටික විතරයි වෙනස් වෙලා තියෙන්නේ. මීට කලින් රාජපක්ෂලාගේ රනිල්ලගේ නියෝජිතයෝ මාධ්‍ය ඉස්සරහට ඇවිත් ඉදිරිපත් කරපු තර්ක ම දැන් මේ ආණ්ඩුවේ නියෝජිතයෝ මාධ්‍ය ඉස්සරහට ඇවිත් කියන්න පටන් අරං.
