ප්‍රධාන රෝහල් 4ක පිළිකා විකිරණ යන්ත්‍ර අක්‍රියයි
- CNL Reporter
- April 29, 2025
- පුවත්
- පිළිකා විකිරණ යන්ත්‍ර
- 0 Comments
රෝගී ප්‍රතිකාර සම්පූර්ණයෙන් නවතී
ප්‍රධාන රෝහල් හතරක පිළිකා ඒකකවල පවතින ‘ලීනියර් ඇක්සලේටර්’ පිළිකා විකිරණ යන්ත්‍ර හතරක් අක්‍රිය වීම හේතුවෙන් රෝගී ප්‍රතිකාර කටයුතු සම්පූර්ණයෙන් බිඳවැටී ඇතැයි රජයේ විකිරණ විද්‍යා තාක්ෂණවේදීන්ගේ සංගමය පවසයි.
කරාපිටිය, මහරගම අපේක්ෂා රෝහල, මඩකලපුව සහ යාපනය යන රෝහල්වල පිළිකා විකිරණ යන්ත්‍ර මෙලෙස අක්‍රිය වී තිබේ.
රුපියල් කෝටි 80ක් පමණ වන මෙම නවින තාක්ෂණයෙන් සමන්විත ලීනියර් ඇක්සලේටර් යන්ත්‍ර සඳහා උෂ්ණත්වය සහ ආර්ද්‍රතාව පාලනය කළ යුතු අතර ඒ සඳහා වායුසමීකරණ යන්ත්‍ර සහ සිසිලන යන්ත්‍ර (chiller) භාවිත කෙරේ. උෂ්ණත්වය සහ ආර්ද්‍රතාව ප්‍රශස්ත මට්ටමේ නොමැති නම් එම යන්ත්‍රයෙන් ප්‍රතිකාර කටයුතු කළ නොහැකි බව එම සංගමය කියයි.
එම යන්ත්‍රවල පවතින දෝෂ සම්බන්ධයෙන් වගකිව යුතු සියලු පාර්ශ්ව දැනුවත් කර ඇතත්, එම සිසිලස පද්ධතිය සහ වායුසමීකරණ පද්ධතිය නඩත්තු සහ සේවා සැපැයීම මේ වන විටත්, සිදු කිරීමට අදාළ බලධාරීන් කටයුතු කර නොමැති බව එම සංගමයේ සභාපති චානක ධර්මවික්‍රම මහතා පවසයි.
සුජීව තත්සර
